Home
ક્ષણિક દુનિયા
Rashmika Mandanaનો Deepfake Video થયો Viral, વીડિયો જોઈ અમિતાભ બચ્ચને કહ્યું, "લિગલ એક્શન લો"..!

Rashmika Mandanaનો Deepfake Video થયો Viral, વીડિયો જોઈ અમિતાભ બચ્ચને કહ્યું, "લિગલ એક્શન લો"..!

06:35 PM November 06, 2023 admin

Actress Rashmika Mandanna Deepfake Video Goes Viral : સોશિયલ મીડિયા પર Rashmika Mandanna નો એક Deepfake વીડિયો વાયરલ થઈ રહ્યો છે. આ વીડિયોમાં સ્વિમસૂટ પહેરેલી એક છોકરી લિફ્ટમાં પ્રવેશે છે. જે પણ આ વીડિયો જોશે તેને લાગશે કે આ અભિનેત્રી રશ્મિકા મંદન્ના છે. પરંતુ, સત્ય કંઈક બીજું છે. ખરેખર, આ વીડિયોમાં દેખાતી યુવતીનું નામ ઝરા પટેલ છે. ડીપફેક Deepfake નામની એઆઈ AI (આર્ટિફિશિયલ ઈન્ટેલિજન્સ) ટેક્નોલોજીનો ઉપયોગ કરીને તેને બિલકુલ રશ્મિકા મંદન્ના જેવી જ બનાવવામાં આવી છે. ઝરા પટેલ એક બ્રિટિશ-ભારતીય સોશિયલ ઈન્ફ્લ્યુઅન્સર છે, જે ઘણીવાર ટુંકા વસ્ત્રોમાં Hot Sexy ફોટા અને Video અપલોડ કરે છે. ઈન્સ્ટાગ્રામ પર તેના 4.32 લાખ ફોલોઅર્સ છે. અને તે ડેટા એન્જિનિયર પણ છે.

રશ્મિકા મંદન્ના તેલુગુ ફિલ્મ 'પુષ્પા'માં અલ્લુ અર્જુન સાથે જોવા મળ્યા બાદ જાણીતું નામ બની ગઈ છે અને હિન્દી ફિલ્મોમાં તમે તેને 'મિશન મજનુ'માં સિદ્ધાર્થ મલ્હોત્રા સાથે જોઈ જ હશે. રશ્મિકા મંડન્નાએ કન્નડ ફિલ્મ 'કિરિક પાર્ટી'થી પોતાની ફિલ્મી કરિયરની શરૂઆત કરી હતી, જ્યારે તે વિજય સાથે તમિલ ફિલ્મ 'વરિસુ'માં જોવા મળી હતી. અને સોશિયલ મીડિયા પર રશ્મિકા મંદાના નેશનલ ક્રશ તરીકે જાણીતી છે. જેથી તેનો મોટો ચાહક વર્ગ છે. એવામાં ડિપફેક વીડિયોથી તેની છાપ ખરાબ કરવાનો કોઈનો બદ ઈરાદો સામે આવતા લોકો અકળાયા છે.

► બિકિની વાળા વીડિયોનો થયો દુરૂપયોગ

બિકીનીમાં તેની ઘણી તસવીરો ત્યાં અપલોડ કરવામાં આવી છે. પરંતુ, કોઈએ તેના એક વીડિયોનો દુરુપયોગ કર્યો અને તેની જગ્યાએ રશ્મિકા મંદન્નાને બતાવી. અમિતાભ બચ્ચને પણ આ વીડિયોની નોંધ લીધી અને કહ્યું કે, તેના પર કાનૂની કાર્યવાહી થવી જોઈએ. કેન્દ્રીય ઈલેક્ટ્રોનિક્સ અને ટેક્નોલોજી રાજ્ય મંત્રી રાજીવ ચંદ્રશેખરે પણ આ વીડિયો પર પ્રતિક્રિયા આપી હતી અને કહ્યું હતું કે, વડાપ્રધાન નરેન્દ્ર મોદીની સરકાર ઈન્ટરનેટનો ઉપયોગ કરતા તમામ ડિજિટલ નાગરિકોની સુરક્ષા અને વિશ્વાસ સુનિશ્ચિત કરવા માટે પ્રતિબદ્ધ છે.

► "36 કલાકમાં વીડિયો દુર નહીં થાય તો કોર્ટમાં જઈ શકાય"

તેમણે કહ્યું, “એપ્રિલ 2023 માં સૂચિત IT નિયમો હેઠળ, તમામ સોશિયલ મીડિયા પ્લેટફોર્મ એ ખાતરી કરવા માટે કાયદેસર રીતે બંધાયેલા છે કે કોઈપણ વપરાશકર્તા દ્વારા કોઈ ખોટી માહિતી શેર કરવામાં ન આવે. ઉપરાંત, તેમણે વપરાશકર્તા અથવા સરકાર દ્વારા જાણ કર્યાના 36 કલાકની અંદર ગેરમાર્ગે દોરનારી માહિતી દૂર કરવી પડશે. જો તેઓ આમ નહીં કરે તો તેમને નિયમ 7 હેઠળ કોર્ટમાં ખેંચી શકાય છે. "Deepfakeએ ખોટી માહિતીનો તાજેતરનો અને ખતરનાક વલણ છે જેનો સામનો કરવાની જરૂર છે."

► ડિપફેક ટેક્નોલોજીનો ભોગ અનેક લોકો બન્યા

તમને જણાવી દઈએ કે ડીપફેક એક એઆઈ ટેક્નોલોજી છે જેનો ઉપયોગ કોઈપણ વ્યક્તિના ચહેરા અથવા શરીર સાથે ડિજિટલી ચેડા કરવા માટે કરી શકાય છે. એટલે કે, કોઈ અન્ય હોઈ શકે છે પરંતુ ચિત્ર અથવા વિડિયોમાં તે કોઈ અન્ય જ દેખાશે. તેઓનો ઉપયોગ ખોટી માહિતી ફેલાવવા માટે કરવામાં આવ્યો છે. AIની સાથે આમાં મશીન લર્નિંગ ટેક્નોલોજીનો પણ ઉપયોગ કરવામાં આવ્યો છે. આ ફોટોશોપિંગથી ઉપરની વાત છે અને ઘણા મોટા દેશોના નેતાઓ તેનો શિકાર બન્યા છે.